川味香

營業中

休息中

從來喺黃埔想食串燒做宵夜都係一件極難嘅事，直至到呢間鋪嘅出現。唔好睇小佢細細間鋪，係夜晚唔到11點都一定會爆滿，仲有唔少人會叫外賣。呢度啲嘢食全部都係即叫即燒，所以擺到上你枱面絕對係熱辣辣，味道一流，海鮮亦都好鮮甜，特別推薦佢嘅燒豬頸肉同埋牛脷心，出邊咁嘅價錢絕對唔會食到咁好味嘅嘢，一定會再次幫襯。上面話明係即叫即燒，所以食物製作需時，但係如果有時間可以耐心等候嘅話，你絕對會覺得等候嘅時間係值得嘅。