每道菜都有驚喜！
由傳統漢堡到fusion創作都保持高水準
適合同班friend瘋狂打卡+喪食
🍔德州燒烤芝士牛肉漢堡
手打牛肉扒超厚身，咬落去好多肉汁
配埋燒烤醬同溶化咗嘅芝士🧀
裡面夾咗脆脆洋蔥圈，口感更加豐富～
同新鮮生菜蕃茄一齊食，唔會覺得膩😋
加$25配🍟香脆薯條
幼身薯條即叫即炸，熱辣辣，脆卜卜
▫️慢煮紅酒燉牛面肉意大利飯
牛面肉煮到超腍，幾乎唔使點咬
意大利飯吸晒紅酒同肉汁嘅精華
仲有啲菠菜喺裡面，味道好濃郁😜
▫️雀眼椒香辣雞翼
因為我唔食得辣，就叫咗走辣
雞翼外皮脆脆地，掛滿蜜糖，甜甜哋
鍾意食蜜糖雞翼嘅朋友一定會愛上😍
▫️百福椒鹽豆腐夾餅
脆餅+牛油果+煙燻菠蘿莎莎
椒鹽豆腐外脆內嫩
整體口感好豐富，又好夾🤩
🍮 蛋酒吉士布丁
超大個，蛋味香濃，口感滑溜到好似食緊燉蛋咁
自己倒入吉士醬，更濃郁！
🍫 布朗尼新地
暖暖嘅布朗尼配凍冰冰嘅雲呢拿雪糕
一冷一熱，口感好正～
