好味餃子店

營業中

休息中

喺葵芳收工，周圍搵下有咩外賣晚餐好，經過見到呢間餐廳係專門賣餃子嘅，餐牌簡單易明， 專門食餃子， 但都有好多選擇，揀咗煎餃子雙拼10隻， 分別揀咗粟米肉餃同甘筍沙葛肉餃，煎餃子外皮半煎炸，煎到金黃色， 正宗皮薄餡靚，外皮香脆， 內裏飽滿足料，特別是甘筍沙葛肉餃，咬下去口感爽脆，餃子雖然是半煎炸，但不油不膩， 味道一流，除此之外，還選了湯餃子雙拼10隻，同樣也是選了粟米肉餃同甘筍沙葛肉餃，湯餃子的外皮也是很薄， 餡料也包得很飽滿，其實真係好抵食， 而且湯餃子個湯係野葛菜生魚豬骨湯，飲得出係真材實料， 無味精，好似屋企煲嘅一樣，外賣會好細心咁連埋醬汁配料，如果堂食， 餐廳啲座位都好似幾乾淨舒適。總結： 餐廳裝修簡潔光猛， 店員招呼都主動殷勤，招牌湯底足料無味精， 湯餃子同煎餃子都整得好出色，外賣都好快，好適合做飯堂。