大快活 (都會駅)

營業中

休息中

好多位坐，仲有一邊係可以望到出邊嘅景。成個設計唔錯，好大嘅空間感。不過搵位嘅時候發覺有啲凳都幾污糟有上手啲食物碎，冇人抹。食咗兩個下午茶餐，雞髀配嘢飲$37 雞髀唔算大隻，味道OK，唔算好食，不過大快活不嬲咁上下，過年期間都係貪佢唔使加一服務費仲有下午茶餐，先至入嚟叉燒瀨粉+燒雞翼+飲品 好似$47叉燒就比較瘦，瀨粉有啲似米線，燒雞翼正常發揮，以前啲燒雞翼好似大隻啲？依家啲燒雞翼都幾瘦冇咩肉。用app有一個優惠加兩蚊有芒果糯米飯，咁就禁埋，個芒果糯米飯係得一啖嘅，好甜好甜好甜。總結：平平哋，坐吓飲杯嘢都唔錯。