影片
更多
2021-06-10
307 瀏覽
見屯市開咗咁耐都仲晚晚排隊，今日抱住期待嘅心情去試食一下⋯⋯點知仲伏過直升機。直頭係伏伏伏伏伏伏我哋一行3人去食嘢，首先坐位安排混亂，1-4人檯完全無次序亂嗌餐廳keep住有3-4人出嚟，但嗌極都係2人檯嘅飛。一開始以為係按拎飛次序嗌，所以無理，點知等左成粒鐘，嗌嗌下嗌到我之後拎既果張2人飛都入左去坐左個4人位。我忍唔住問佢點解，佢竟然講2人檯多人等緊⋯⋯我3人檯飛等3個號碼等足1粒鐘有多先入得。終於入到去食嘢，我哋3人嗌左2個意粉1個pizza，1個沙律，1個頭盤拼盤同1個蘋果批雪糕甜品。凱撒沙律：同老麥個沙律差唔多小食拼盤：腸仔正常，春卷/八爪魚丸/雞亦/薯角都明顯係市面上一般急凍貨，唔難食但就算計埋租金人工都唔值過百意粉：食落似用罐頭開嘅醬煮成，無論白汁定紅汁都係Pizza:呢樣真係最伏，食落去嘅質感、味道都似係超市買嘅急凍貨，餅底硬到可以打爛玻璃⋯⋯真心想問呢啲嘢都可以拎出嚟比客人食？蘋果批雪糕：又係超市蘋果批加球雪糕⋯我寧願食老麥蘋果批好過⋯⋯佢1個批嘅價錢可以係老麥度買10個⋯⋯總結：服務嘅員工好有禮貌，手腳快，只係安排位置果度完全無秩序，咩飛多人就嗌咩飛⋯⋯我見5人果張由
我哋一行3人去食嘢，首先坐位安排混亂，1-4人檯完全無次序亂嗌
餐廳keep住有3-4人出嚟，但嗌極都係2人檯嘅飛。一開始以為係按拎飛次序嗌，所以無理，點知等左成粒鐘，嗌嗌下嗌到我之後拎既果張2人飛都入左去坐左個4人位。我忍唔住問佢點解，佢竟然講2人檯多人等緊⋯⋯我3人檯飛等3個號碼等足1粒鐘有多先入得。
終於入到去食嘢，我哋3人嗌左2個意粉1個pizza，1個沙律，1個頭盤拼盤同1個蘋果批雪糕甜品。
凱撒沙律：同老麥個沙律差唔多
小食拼盤：腸仔正常，春卷/八爪魚丸/雞亦/薯角都明顯係市面上一般急凍貨，唔難食但就算計埋租金人工都唔值過百
意粉：食落似用罐頭開嘅醬煮成，無論白汁定紅汁都係
Pizza:呢樣真係最伏，食落去嘅質感、味道都似係超市買嘅急凍貨，餅底硬到可以打爛玻璃⋯⋯真心想問呢啲嘢都可以拎出嚟比客人食？
蘋果批雪糕：又係超市蘋果批加球雪糕⋯我寧願食老麥蘋果批好過⋯⋯佢1個批嘅價錢可以係老麥度買10個⋯⋯
總結：服務嘅員工好有禮貌，手腳快，只係安排位置果度完全無秩序，咩飛多人就嗌咩飛⋯⋯我見5人果張由我拎飛到食完都無郁過⋯門口果班人仲係度等⋯⋯
食物質素唔可以話係垃圾，但我哋3個人接近食咗9百蚊嘅急凍食物⋯⋯我諗超市買都應該唔使2舊水買晒⋯⋯
唔明點解都仲日日有人排隊食⋯⋯呢個價錢唔使排隊都唔會想再嚟⋯⋯
6個字講晒：不可一不可再
張貼