有間茶記响附近

營業中

休息中

應該係我呢排冇食神定宜家啲商家無良⋯見附近開左間新茶餐廳唸著試吓啦。午餐$48係同區差唔多啦。安全起見點紅酒燴牛尾標準嘢應該都問題唔大喇掛！見佢掃碼落單有少份量唸著都係少飯啦！點知少佢就少餸喔！睇吓張相？三舊牛尾？唔係，嚴格黎講係兩舊半（實際大小比我張相細好多）！後來我睇清楚啲⋯飯係係下面果欄，得標準一個選項！可以話係我大意⋯但真係第一次體會到原來可以咁！人地少飯佢少餸！三舊仲咁細不如唔放牛尾齋汁吖？又唔見你汁少份量？算！再睇第二張杯紅豆冰⋯忌廉幾咁雄偉？我好似係點紅豆冰唔係忌廉紅豆冰喔⋯清左啲忌廉同冰⋯哇！厲害！得半杯。唔洗咁嘛？附近都係中學小學多⋯係咪唔好咁呃啲小朋友呢？