影片
更多
2004-09-13
29 瀏覽
聽完喜多郎音樂會時已十一, 雖然好餓想食大佢, 但朋友第朝要番早班, 今期又要顧住架車, 唯有番老家香港仔, 車又可泊街, 人又可快食早d回家....本想去杏花樓, 但食得太密, 於是行多兩步去左呢間我印象唔好既潮苑.印象唔好皆因食過幾次都覺得佢唔抵食lor~ 今次仲比呀姐激死, 叫個手唧魚旦拚手唧牛肉餅米, 佢先放底一碗牛什河.... "唔係我地架唔該...""唔係咩??.......噢! 後面..." 然後擺抵碗牛肉餅米.."d 魚旦呢?""咩魚旦呀?""...雙拼..""漏左, 等等加番比你..."佢當然唔會咁蠢拎碗麵行多轉啦, 哈哈, 所以朋友等左好耐先有三粒後上既魚旦食....我就叫左坑腩麵, 呀姐做晒動作咁形容坑腩即係牛既邊度...當左自己係牛咁....手唧魚旦拚牛肉餅米, $23, 手唧魚旦3大粒, 好咸好彈, 質感味道都唔魚肉既! 手唧牛肉餅好食過魚旦好多, 有牛肉味, 都係彈彈下既, 簡單d 形容即係整扁左既彈牙牛丸. 都唔錯!坑腩麵, $16, 比普通牛腩麵貴3蚊, 麵上桌時有賣相架, 麵係好靚咁一團在腩之下, 腩亦唔係一般亂糟糟咁放! 麵質方面亦引起我既注意, 係
印象唔好皆因食過幾次都覺得佢唔抵食lor~ 今次仲比呀姐激死, 叫個手唧魚旦拚手唧牛肉餅米, 佢先放底一碗牛什河.... "唔係我地架唔該..."
"唔係咩??.......噢! 後面..." 然後擺抵碗牛肉餅米..
"d 魚旦呢?"
"咩魚旦呀?"
"...雙拼.."
"漏左, 等等加番比你..."
佢當然唔會咁蠢拎碗麵行多轉啦, 哈哈, 所以朋友等左好耐先有三粒後上既魚旦食....
我就叫左坑腩麵, 呀姐做晒動作咁形容坑腩即係牛既邊度...當左自己係牛咁....
手唧魚旦拚牛肉餅米, $23, 手唧魚旦3大粒, 好咸好彈, 質感味道都唔魚肉既! 手唧牛肉餅好食過魚旦好多, 有牛肉味, 都係彈彈下既, 簡單d 形容即係整扁左既彈牙牛丸. 都唔錯!
坑腩麵, $16, 比普通牛腩麵貴3蚊, 麵上桌時有賣相架, 麵係好靚咁一團在腩之下, 腩亦唔係一般亂糟糟咁放! 麵質方面亦引起我既注意, 係爽口而唔生. 坑腩因帶少少筋比牛腩焾d好食d. 味道係清清既, 清湯腩咁味道幾好! (唔係好深色花椒八角燜果d)
最抵係個通菜, 5蚊, 用麵碗盛既, 唔係碟. 大通菜烚得好靚! 熟得黎仍然見到青綠色, 唔似一般麵店d 菜烚到冇菜色甩晒仲焾peipei 咁!!
最後呢個9蚊咸檸七最讚賞!! 因為片檸好正咁有咸甘桔檸味! 唔係淨加咸味咁簡單!
今次食物方面令我改變左d 我對潮苑既印象, 有下次啦!
不過唔飽lor, 於是行左去隔離三樣好食甜品....
張貼