傷心酸辣粉 (金百利廣場)

營業中

休息中

上一次食應該係三四年前，味道係點都吾記得太清楚，今日適逢甘齊人打算行年宵前醫下肚，有機會回味返。因為Anutie同uncle吾太食得辣，全部都係走辣。個陣已經八點幾九點，個個都肚餓，一坐底就叫左成隻口水雞、紅油海哲同滷水拼盤。辣妹姐另加大辣薯粉，仲要加醋，果然重口味。先黎口水雞，因叫左一隻，廚房分兩碟上。睇落好多，其實肉吾算多，亦吾係嫩，一般般。紅油海哲味道偏淡，吾係好鐘意，食左幾啖就當俾下面。滷水拼盤真係麻麻，吾入味，咬落去又硬(除左雞翼尖,但都係吾入味)。我地仲叫左兩個白飯，應該落太多水，個飯好淋，部份似糊仔。整體吾太理想，但見辣妹姐食薯粉食得甘滋味，都心郁郁想試下，希望下次有機會為傷心酸辣粉平反下。