小火焰韓式咖啡廳 (金山樓) (已結業)

韓國餐廳食得多，有一間叫小火焰既韓餐亦是我最愛之一，平時的下午茶餐都超級抵食，今次來到大圍，見到呢間的分店，就二話不說入去醫肚。晚餐時間都好多人排隊，我們都係等左陣，好快就有位啦（員工安排得好好）見得餐牌好多野都想食，點了招牌打卡菜式，吹漲水牛牛肉野菌沙拉同板燒烤肉combo(特選美國牛板腱及牛小排）呢兩個都係晚餐必點，首先水牛牛肉野菌沙拉的賣相超級特別，水牛芝士漲到成個波咁，吉爆佢後撈埋沙拉食好特別，而且牛肉也是很嫩滑口感好好，幾特別的一個菜式，打卡一流。而板燒烤肉combo 就係我最愛，之前都食過，最主要塊塊肉都好新鮮，可以自己慢慢燒，鍾意幾成熟都得，特別有風味。而飲品就點了韓國啤酒同藍柑白桃梳打，好醒神的飲品，啤酒配燒肉，梳打配牛肉，真係最佳選擇。