影片
更多
2021-03-28
3702 瀏覽
喺朋友嘅邀請下，終於擴展美食版圖至將軍澳，原來海傍而家開滿餐廳，假日人頭湧湧，今次去嘅係Jomo嘅分店，特別之處係室內一半係cafe，一半擺滿健身器材，另外cafe設有室外位置，不過烈日當空，大家都寧願排室內位置。將軍澳店無論甜品定主食都比西環店選擇多，亦坐得比較舒服。🍽日本煙燻手撕豬肩肉漢堡 Smoked Japanese Pulled Pork Burger賣相極吸引，餡料由上到下分別係太陽蛋、醃青瓜、手撕豬肩肉、牛油果蓉同蕃茄，豬肩肉完全唔鞋，醬汁甜甜地帶濃煙燻香，牛油果蓉嘅份量都頗多，但係個豬肩肉嘅醬太濃味，牛油果蓉喺度嘅存在感唔高，整體黎講味道好豐富，可惜太多汁個包淋左啲。蕃薯條唔係現成深橙色嗰款，感覺味道天然啲。🍽手打意粉配黑松露忌廉醬 Homemade Pasta with Black Truffle Cream Sauce ($128)醬汁非常creamy，好香黑松露味，有唔同品種嘅野菌，手打闊條麵幾煙韌，相當唔錯。份量偏少但忌廉醬食食下會膩，都唔會食唔飽。🍽生可可撻 Raw Cacao Tart ($58)用椰子奶製成嘅純素甜品，撻底有啲堅果碎好有咬口，可可濃度頗高，
54 瀏覽
0 讚好
0 留言
🍽日本煙燻手撕豬肩肉漢堡 Smoked Japanese Pulled Pork Burger
賣相極吸引，餡料由上到下分別係太陽蛋、醃青瓜、手撕豬肩肉、牛油果蓉同蕃茄，豬肩肉完全唔鞋，醬汁甜甜地帶濃煙燻香，牛油果蓉嘅份量都頗多，但係個豬肩肉嘅醬太濃味，牛油果蓉喺度嘅存在感唔高，整體黎講味道好豐富，可惜太多汁個包淋左啲。蕃薯條唔係現成深橙色嗰款，感覺味道天然啲。
日本煙燻手撕豬肩肉漢堡
$168
72 瀏覽
0 讚好
0 留言
🍽手打意粉配黑松露忌廉醬 Homemade Pasta with Black Truffle Cream Sauce ($128)
醬汁非常creamy，好香黑松露味，有唔同品種嘅野菌，手打闊條麵幾煙韌，相當唔錯。份量偏少但忌廉醬食食下會膩，都唔會食唔飽。
手打意粉配黑松露忌廉醬
$128
129 瀏覽
0 讚好
0 留言
🍽生可可撻 Raw Cacao Tart ($58)
用椰子奶製成嘅純素甜品，撻底有啲堅果碎好有咬口，可可濃度頗高，朋友覺得太苦唔夠甜，食慣黑朱古力嘅我就覺得幾出色，質感亦夠細滑，留意返檸檬達同生可可撻都係週末限定。
生可可撻
$58
39 瀏覽
0 讚好
0 留言
🍽伯爵茶戚風蛋糕 Earl Grey Chiffon ($52)
戚風蛋糕係Jomo嘅強項，質感依舊鬆軟有彈性，伯爵茶味明顯。之前食過芝麻戚風配芝麻忌廉，以為呢款會配返伯爵茶忌廉，點知係原味有少少失望，不過忌廉都好挺身幼滑，略嫌甜左少少。初初諗住玫瑰花瓣只係打卡用，但食落都有花香，唔錯。
伯爵茶戚風蛋糕
$52
39 瀏覽
0 讚好
0 留言
☕️抹茶綠茶玄米茶 Green Monsoon ($48)
個英文名好華麗，其實係三款茶混合，入口先飲到玄米香，之後微苦，再到甘甜，茶具都好精緻。
Green Monsoon
$48
29 瀏覽
0 讚好
0 留言
☕️髒髒咖啡 Dirty ($40)
帶果香，味道頗濃，咖啡同奶融合得較快。
Dirty
$40
25 瀏覽
0 讚好
0 留言
🍽日式焙茶芝士蛋糕 ($52)
呢款焗芝士蛋糕滑得黎密度較高，較似巴斯克蛋糕外圍部分，焙茶濃度中上，少甜，芝士味相對突出。
日式焙茶芝士蛋糕
$52
23 瀏覽
0 讚好
0 留言
張貼
