津津食家

營業中

休息中

聽講呢度就快結業因為要重建所以先至令朋友話要嚟幫襯，我哋兩個人住三個餸，三個都唔掂，除咗係大排檔風味之外就只有唔好味。豉椒炒蜆冇乜豆豉，最大件事就係殼多過肉，究竟啲肉去曬邊？朋友話可能係儲埋幾碟一次過炒，我哋啲肉就去咗人地嗰碟，而人地啲殼就去咗我哋嗰碟。椒鹽白飯魚直頭唔合格，都唔好話椒鹽，佢好似連鹽都冇落，唯一好處就係啲白飯魚都幾大條，粉漿又唔係好厚，大排檔食呢啲椒鹽嘢都唔掂真係有啲離譜。呢個小炒王都算經典，我估佢哋畀人投訴過好多次，所以我哋叫嘅時候佢都講解返佢哋呢度嘅小炒王同出面嘅好唔好，雖然我哋知道每間芋頭都可以有自己style嘅小炒王，不過如果講解畀客人聽唔出呢一個似宮保雞丁多個小炒王嘅餸，唔比人投訴就假。