影片
更多
2013-08-27
707 瀏覽
波士頓餐廳‧‧‧我細細個就聽過佢個名，但都未去過，咁今日終於去左係門口前 睇一睇餐牌 成舊水既鐵版餐 心諗 一定好大份 會食到好飽咁走又見到 加一服務費 諗住個餐已經成舊水 加埋一咁貴 實好高檔 d野好好味啦 跑馬地某會所 食西餐 一個扒餐都係八十幾蚊 佢咁貴 我諗 一定有佢過人之處既咁我就入左去 點個 美式雜扒餐 飲紅湯 d食物....不過不失啦 先講紅湯 冇咩特別 飲到尾 見到一氹肥膩既紅色油lo 普通茶餐廳既質素餐包 都係普通 但佢d牛油 完全係液體黎 好明顯冇好好保存 塊牛扒係幾厚既 但d肉林曬 林得好緊要 仲要有好多肥膏係塊扒度條腸仔比一般茶餐廳略為短左d(話就話短左d 但係尼個係成百幾蚊既餐! 短左d已經好緊要!!)雞翼 塊皮又唔脆 又食落去又係林林地咁 一d都冇煎炸既香口感覺豬排 算過得去啦 條骨都唔算大既 又冇肥肉煙肉 薯菜 都係份量極少 如果尼個係60蚊或以下既 我覺得ok 但成百幾蚊 份量咁少 我覺得唔合理食完都唔係好飽 不過算啦 我叫野飲 我本來想要 凍好立克 點知凍好立克要加$3 我見咁貴 我都係要凍檸水 唔洗加錢 好啦 野飲黎到 佢冇俾糖水我我飲一飲 原
係門口前 睇一睇餐牌 成舊水既鐵版餐 心諗 一定好大份 會食到好飽咁走
又見到 加一服務費 諗住個餐已經成舊水 加埋一咁貴 實好高檔 d野好好味啦
跑馬地某會所 食西餐 一個扒餐都係八十幾蚊 佢咁貴 我諗 一定有佢過人之處既
咁我就入左去 點個 美式雜扒餐 飲紅湯
d食物....不過不失啦
先講紅湯 冇咩特別 飲到尾 見到一氹肥膩既紅色油lo 普通茶餐廳既質素
餐包 都係普通 但佢d牛油 完全係液體黎 好明顯冇好好保存
塊牛扒係幾厚既 但d肉林曬 林得好緊要 仲要有好多肥膏係塊扒度
條腸仔比一般茶餐廳略為短左d(話就話短左d 但係尼個係成百幾蚊既餐! 短左d已經好緊要!!)
雞翼 塊皮又唔脆 又食落去又係林林地咁 一d都冇煎炸既香口感覺
豬排 算過得去啦 條骨都唔算大既 又冇肥肉
煙肉 薯菜 都係份量極少 如果尼個係60蚊或以下既 我覺得ok 但成百幾蚊 份量咁少 我覺得唔合理
食完都唔係好飽 不過算啦 我叫野飲 我本來想要 凍好立克 點知凍好立克要加$3
我見咁貴 我都係要凍檸水 唔洗加錢 好啦 野飲黎到 佢冇俾糖水我
我飲一飲 原來佢已經加埋落去....
而且佢d檸檬 唔係好厚 而且冇咩味道 感覺就係入d廉價食材...慳得就慳
唉 一間咁耐歷史既餐廳 成舊水既餐 點解做d野咁寒醱 可唔可以大方少少?? 檸檬冇咩味 我當我唔好彩 但成舊水既餐 佢糖水都唔俾 我就覺得好唔合理 仲要加一服務費...
另外 我對環境其實冇咩要求 只要唔係好污糟 我都當睇唔到 但佢成舊水既餐 仲要加埋一
咁我既要求就當然要相應提高 同返d價錢差唔多既餐廳比
一)我坐既地方 附近係就係冇咩塵 但都唔算乾淨到會反光 但地下就有好幾舊毫子大小既麵包碎
二)當我食到尾既時候 見到有隻昆蟲係遠處 但最後冇飛過黎d食物/我度 我就當睇唔到
整體黎講 我覺得尼個餐 最多只值 $70
成舊水咁既質素 我已經覺得唔合理 真係唔知佢有咩資格收埋加一
根本冇服務可言 d侍應雖然對客都唔錯 但環境 食物質素 同杯檸水 真係大打折扣
你收得成舊水既餐 同埋加一 就唔可以"食飽你就算" (雖然我食完都唔覺飽)
你要提供一d服務 好似檸水 額外提供糖水 仲有地下要乾淨
係食材方面: 牛油要夠硬淨 俾多d薯菜 檸檬要夠味 尼d都係大方既表現黎
我覺得尼間餐廳既態度好馬虎 可能好多餐廳都係咁 但果d餐廳收我$60~70
如無意外 我真係唔會再去 名過於實
張貼