芋圓控

營業中

休息中

之前食過一次記得冇乜驚喜，但見最近又有YouTube 介紹呢間芋圓就諗住俾多次機會試多次，果然都係名過於實。😐甜品溫度唔凍唔暖，又冇得揀冰底或熱食，入口硬係怪怪地。芋圓/紫薯圓 /地瓜圓全部都冇乜味，一大舊粉咁。嗌咗個蜜紅豆，一啲都唔蜜仲要冇豆味😓，見佢哋廚房都係用一大桶工業用紅豆，可能佢哋都冇自己再煮過。奶茶凍係有少少奶茶味，但個人唔係咁鍾意。整體來講，冇期待就唔會有失望，坊間有其他更好食嘅芋圓，唔使專登去食因為等外賣都要等成20分鐘起。