點點心

營業中

休息中

每次行過都見到呢間餐廳都好多人排隊，大部份係自由行旅客，當中不乏外國人，咁岩今日落雨，又唔知食乜好，咁就去咗呢間餐廳試吓。叫咗個松茸湯鮮竹卷、脆皮鮮蝦腸、鳳爪排骨飯、燒汁釀茄子同埋山竹牛肉球，先講講好食嘅先，我覺得脆皮鮮蝦腸係唔錯嘅，皮唔太厚，入面包住d脆脆同蝦，整體個口感唔錯。但其他嘢就真係好一般，特別係個山竹牛肉球，又乾又無味，個鮮竹卷既味道更加係可以用奇怪黎形容，食咗一啖都已經唔想食。環境方面真係好擠迫，基本上你嗌多兩碟嘅話張枱都擺唔到，而且你食晒啲嘢就即刻收走，好似想你快啲走咁。可能太多人吹捧，質素下降。