田舍家

營業中

休息中

工作的關係，終於食到一直想試的田舍家！環境唔洗講，有101層高的超級無敵海景，正呀！先來一個野菜沙律。然後是海鮮土瓶蒸，湯的味道清甜，壼入面仲好足料，有蝦、蜆、魚......刺身勁新鮮，無得輸！四款刺身包括金槍魚腹、深海池魚、帆立貝及赤貝，款款都好鮮甜。燒物是燒鱈場蟹腳，還有西京燒銀鱈魚。蟹腳啖啖肉，燒到剛剛好。銀鱈魚肉質滑嫩，醬香濃郁。當然唔少得燒和牛啦！呢道鐵板燒A4和牛西冷，雖然不是A5級數，但都有接近入口即融的感覺，食落無渣。然後有揚物：五色糯米粒炸海蝦、炸蟹肉福袋、炸青椒仔，造型很吸引，可惜炸蝦有點太乾，而福袋炸完感覺比較油。仲有碗迷你海膽三文魚籽壽司飯，鮮味十足！最後食埋日本蜜瓜，味道只是預期中的清甜。雖然是business lunch，但整餐飯的質素都很令人滿意，除了服務仍有改善空間，可能是商務午餐的關係吧，侍應有點手忙腳亂，不只一次撞歪我的椅子，在其他餐廳就小事啦，但這種高級日本餐廳，應該可以做得更好。