影片
更多
2022-02-07
733 瀏覽
Nutmad係一間觀塘幾出名嘅工廈cafe，但係佢哋喺上星期六(29/1)就由工廈搬咗去Eastcore嘅商場大舖，可以容納更多客人，餐牌亦都新增咗唔少新菜式～ 而裝修亦唔係一般cafe咁行木系文青風，而係深綠色加啡色嘅復古風，除咗窗邊用舊式屋邨嘅磚/玻璃排成矮牆，天花亦用彩色嘅晾衫竹嚟裝修，枱面仲擺咗舊式嘅冷暖水壺，非常有特色～上星期日（30/1，即係Soft Opening嘅第2日）下晝12:15左右去到，只係大概3/4滿，反而1點半後就開始好多人排隊喇🙈 可能仲係新開嘅關係，出菜時間好似比較慢，由落單開始計，都等咗約30分鐘左右先至上第一碟意粉😬 埋單嘅時候侍應有提及係限時90分鐘，不過因為今次上菜遲咗，所以就無捉到咁緊～•🥢 煙燻豬豬卡邦尼 $120呢款卡邦尼嘅醬汁無用忌廉，用咗生雞蛋同芝士調配成新鮮嘅蛋汁，係傳統卡邦尼意粉嘅做法～ 質地都做到好creamy嘅感覺，意粉同蛋汁完全融合，食落一啲都唔膩，仲好有蛋香同芝士香～😍 然後加埋啲「煙燻豬豬」，即係炒香咗嘅煙燻豬肉碎，啲煙燻豬豬仲帶點蜜糖焦香，令到成個卡邦尼嘅味道好有層次！🤩 仲有啲奶白色嘅薄脆其實係芝士薄脆嚟，加強咗成個意
上星期日（30/1，即係Soft Opening嘅第2日）下晝12:15左右去到，只係大概3/4滿，反而1點半後就開始好多人排隊喇🙈 可能仲係新開嘅關係，出菜時間好似比較慢，由落單開始計，都等咗約30分鐘左右先至上第一碟意粉😬 埋單嘅時候侍應有提及係限時90分鐘，不過因為今次上菜遲咗，所以就無捉到咁緊～
•
🥢 煙燻豬豬卡邦尼 $120
呢款卡邦尼嘅醬汁無用忌廉，用咗生雞蛋同芝士調配成新鮮嘅蛋汁，係傳統卡邦尼意粉嘅做法～ 質地都做到好creamy嘅感覺，意粉同蛋汁完全融合，食落一啲都唔膩，仲好有蛋香同芝士香～😍 然後加埋啲「煙燻豬豬」，即係炒香咗嘅煙燻豬肉碎，啲煙燻豬豬仲帶點蜜糖焦香，令到成個卡邦尼嘅味道好有層次！🤩 仲有啲奶白色嘅薄脆其實係芝士薄脆嚟，加強咗成個意粉嘅芝士味同鹹香味😋 食完就明白點解佢係呢間cafe嘅招牌菜喇🤤
煙燻豬豬卡邦尼
$120
44 瀏覽
1 讚好
0 留言
煙燻豬豬卡邦尼
$120
47 瀏覽
0 讚好
0 留言
•
🥢 麻婆豆腐•豬肉•芝士•千層麵 $130
呢個千層麵係Nutmad嘅新菜式之一，仲係fusion菜🤩 一上枱就聞到幾濃麻香味，食落都幾麻幾辣，但食開米線10小辣嘅我都勉強食到，因為佢辣得好惹味😋
切開數到有最少8層麵，中間夾咗好多肉碎～雖然唔係好似平時嘅千層麵咁中間夾肉醬，但食落都唔會好乾，醬汁嘅份量適中👍🏼 不過啲千層麵有啲太腍，唔夠咬口，而且唔太食到芝士味，可能麻辣味太出😬
麻婆豆腐•豬肉•芝士•千層麵
$130
43 瀏覽
0 讚好
0 留言
麻婆豆腐•豬肉•芝士•千層麵
$130
46 瀏覽
0 讚好
0 留言
•
🥢 經典法式多士•焦糖香蕉•雪糕 $92
呢款係傳統嘅法式多士，每一件麵包都浸咗滿滿嘅蛋漿，然後再煎香～ 即叫即整嘅關係，餐牌寫落單後要等25分鐘左右，侍應亦都細心地問需唔需要後上，避免太快上菜又食唔切👍🏼 一切開就麵包入面有少少蜂巢狀，唔知係咪用咗丹麥酥嚟整嘅呢？🙈 多士咬落外脆內軟，每一啖都食到濃濃蛋香🤤 麵包皮嘅部份仲有啲酥脆嘅口感，超級正😍 加埋面頭嘅糖霜同埋高質嘅雲尼拿雪糕，甜味啱啱好～不過焦糖香蕉就有啲失手，有兩件嘅邊位都燒燶咗少少，真係食到有啲燶味🥺
經典法式多士•焦糖香蕉•雪糕
$92
50 瀏覽
0 讚好
0 留言
經典法式多士•焦糖香蕉•雪糕
$92
49 瀏覽
0 讚好
0 留言
張貼
