杉玉

事原係因為見做優惠，身分證有某相同號碼，食滿150減50。見仲係某受歡迎嘅居酒居，所以就去一試⋯⋯價錢都偏向中上上，諗住都有高質食物供應，都入去試吓。叫咗5樣嘢：甜蝦刺身 $78話有20隻，但有5-6隻都係不完整，又不新鮮，收呢個價錢，仲要自己剝殼，都要俾啲對得住客人嘅食物㗎⋯⋯高湯玉子燒三重奏 $68上面的海膽、三文魚籽、明太子發揮正常，無乜驚喜，最驚喜係玉子，又細又凍，仲要睇得岀係返熱返俾你，上面個面都去到乾乾地咁。。。蟹膏鯛魚湯拉麵配紅楚蟹肉 $48呢個小得可憐，麵嘅份量連正常一個都無，小食來的嗎？當然味道又係⋯⋯開岀嚟，正常無驚喜。並玉盛合 $88八件壽司，平均每件$11，不值⋯⋯海陸峰會天婦羅 $58串味得好嚴重，食茄子、蕃薯有魚味，炸粉淋晒漿糊咁，最重點嘅蝦，炸到老晒，無蝦味，難食。