明記甜品 (西灣河街)

營業中

休息中

第二餐，人腳基本上同第一餐差不多，只是走了Lazyqueen及牛油果，來了David仔，所以又維持住一行六人。由恆河行過來，真係轉個彎就到。十點幾，是座無虛席，還有兩檯是坐出店外。但其實坐外面都有好處，就係呢度規距不得在店內堂吃榴槤布甸，但店外的檯就不在此限。剛好是日又有幾位榴槤友，大家經商量後，就在店外的檯子坐下。當然二話不說，先來三個榴槤布甸。賣相一般，因為布甸面起晒荳皮，但聞落都好對辦，有榴槤肉在內，味道亦香濃，幾位食家都說不錯。因為之前都吃過幾次榴槤布甸，想試試其他的，就叫了個合桃布甸。合桃布甸聞落不太香，吃過有合桃味道，但就杰杰的又實實的，只是一個糕狀的合桃糊，麻麻地，下次都係試過另一款。埋單16蚊，都叫經濟抵食，難怪無論堂食或外賣都咁多人。