Goobne Chicken (M88) (已結業)

畢業後掛住搵工做野，都好少同fd出黎一齊行街睇戲食飯直落，所以weekend一有時間就同fd出黎睇左場戲同食韓式烤雞，回憶下想當年一齊返學嘅感覺。我地都算早黎，唔係好多人排隊。坐低就叫左份芝士火山烤雞同韓式牛肉雜菜拌粉絲，同埋waiter極力推介嘅鯊魚之淚。芝士火山雞味道唔錯，雖然平時唔係好食得辣，但呢個辣度完全OK。韓式牛肉雜菜拌粉絲非常岩我口味，蔬菜又夠多，雞蛋絲又彈牙！食落真係停唔到。仲有都係waiter力推甜辣雞丁配年糕，原本以為量唔會好多，點個入面仲有年糕，食完感覺個肚要爆咁滯。但係係好味嘅。我個人都推呢個。鯊魚之淚上面真係有條好可愛嘅鯊魚玩具，即刻要相機食先喪打卡啦！食左咁多肉，覺得滯滯地嘅時候飲返兩啖凍野真係好正，又解到油，我同fd都好滿意今餐。