影片
更多
2011-10-09
94 瀏覽
千両，喺香港出現既時間唔長，2005年先進駐香港捧場客唔算多，主打都係外國客一黎價錢貴，二黎無乜港式寿司食呢日無帶相機，只係用電話係咁意影左幾張相呢度做既係比較正宗既日本江戶前寿司用既料亦都大部份以日本貨為主呢度主打係藍鰭吞拿，質素上亦可媲美日本當然價錢就.....爽歪歪啦先黎一個寿司盛合有燒玉子（熱）、葱吞拿魚腩軍艦、魚籽軍艦、帆立貝、牡丹蝦、松葉蟹腳、油甘魚同大拖羅燒玉子 ﹣ 讚既～熱辣辣～好味！葱吞拿魚腩﹣有少少腥，失敗！可能因為係自己做既，唔係現成入貨既，所以鮮味得黎多左陣腥味魚籽﹣正常貨，無特別問題，醬油味適中，唔會太咸帆立貝﹣正常貨，新鮮爽甜牡丹蝦﹣新鮮，蝦頭膏鮮甜蟹腳﹣老實講，松葉蟹好食極有個限度，就是蟹腳.....油甘魚﹣讚！新鮮，同埋油甘魚要有少少靠皮或者靠腩先正，呢度件件都做倒～大拖羅﹣唔洗講，每次都會食，次次都入口即溶 （其實我唔肯定個盛合係跟咩拖羅，但質素上我覺得係大拖羅）跟住有吞拿魚醬油漬，即係用醬油醃制既吞拿魚今次似乎有D漬過龍.....咸左少少不過吞拿魚本質好～都無問題跟住仲有加州反卷同鰻反卷都係正常啦，卷入面既菜同牛油果都好新鮮海膽軍艦印像中自從日本大地
捧場客唔算多，主打都係外國客
一黎價錢貴，二黎無乜港式寿司食
呢日無帶相機，只係用電話係咁意影左幾張相
呢度做既係比較正宗既日本江戶前寿司
用既料亦都大部份以日本貨為主
呢度主打係藍鰭吞拿，質素上亦可媲美日本
當然價錢就.....爽歪歪啦
先黎一個寿司盛合
有燒玉子（熱）、葱吞拿魚腩軍艦、魚籽軍艦、帆立貝、牡丹蝦、松葉蟹腳、油甘魚同大拖羅
燒玉子 ﹣ 讚既～熱辣辣～好味！
葱吞拿魚腩﹣有少少腥，失敗！可能因為係自己做既，唔係現成入貨既，所以鮮味得黎多左陣腥味
魚籽﹣正常貨，無特別問題，醬油味適中，唔會太咸
帆立貝﹣正常貨，新鮮爽甜
牡丹蝦﹣新鮮，蝦頭膏鮮甜
蟹腳﹣老實講，松葉蟹好食極有個限度，就是蟹腳.....
油甘魚﹣讚！新鮮，同埋油甘魚要有少少靠皮或者靠腩先正，呢度件件都做倒～
大拖羅﹣唔洗講，每次都會食，次次都入口即溶 （其實我唔肯定個盛合係跟咩拖羅，但質素上我覺得係大拖羅）
跟住有吞拿魚醬油漬，即係用醬油醃制既吞拿魚
今次似乎有D漬過龍.....咸左少少
不過吞拿魚本質好～都無問題
跟住仲有加州反卷同鰻反卷
都係正常啦，卷入面既菜同牛油果都好新鮮
海膽軍艦
印像中自從日本大地震之後就無再用日本細海膽
只有一個北海道海膽寿司先係用日本貨，不過成五十幾蚊件
不過，無用日本貨唔代表唔好食
佢轉用左大海膽，估計係加拿大或墨西哥產
都算係靚野，去CITY SUPER睇下就知咩價錢
味道夠甜，低明礬味 （明礬係海膽用既防腐劑，平時食倒苦或者毑候果陣味）
可惜係唔及日本貨鮮甜，但已比平時食倒既大陸貨好食好多
今次重點推介係左口魚邊
平時出面食倒既，一係細到吹得走
一係一咬落去標水既.....淡而無味
左口魚邊係應該好重魚油味，好香
口感鬆軟
今日食左一碟火炙，一碟就咁寿司
火炙個魚油味香到不得了！
就咁果碟亦都一D都唔差，都非常香，口感亦佳！
如果拖羅諗住散叫既話
我會推介中拖羅
因為有魚味，有油香，無筋
如果大拖羅油香重，可惜係可能有筋，魚味亦無咁濃
而且中拖羅仲平D......
魚鮫我試過一次，可惜味道真係唔太吸引
味唔濃....入口唔溶....講真，未見過日本用呢舊做刺身
我睇千両日本個menu都無....
呢舊野我諗都係燒好食D
仲有攞左碟青瓜
唔記得叫咩名，味道幾得意
上前D粒粒豆味道似中式麵豉，但粒豆細好多
配埋清新爽口既青瓜，清清地唔錯
不過今日都有樣野要鬧
D寿司握得唔夠實，有幾舊都係一夾就散......
同樣係元氣集團出品
質素大大不同，我敢講，呢度用料遠比板前板長好
什至比𡶶還要好，當然....代價係錢！
張貼
