影片
更多
2024-07-08
770 瀏覽
今次有朋友生日，我就約左同佢食飯慶祝，揀左間我自己覺得幾正既台式火鍋，佢地分店愈開愈多，不過方便大家就揀左黎旺角呢邊食😄餐廳坐位闊落，有一壺茶提供，枱上仲有圍裙比客人用，以免食麻辣鍋滴到件衫洗唔甩，呢個幾貼心既服務，抵讚👍🏻自助餐醬料小食吧（$19/位）餐廳有小量自助任食既小食，我最鐘意就係香辣魚皮，另外仲有辣菇，炸香芋波波，同埋生果可以攞🍉🍋🟩酸菜白肉湯底（鴛鴦$138）（單鍋$198）台式麻辣鍋（鴛鴦$138）（單鍋$198）鍋底可以自己選擇要鴛鴦定係單鍋，我地驚台式麻辣鍋太油就叫多個酸菜白肉鍋，兩個鍋底都有好多餸食，值得一提既係台式麻辣鍋既鴨血豆腐係無限添加，必點推薦‼️日本和牛三角胸小排（$388）生日慶祝梗係要食d靚牛啦，呢個係A4級數既和牛，入口即溶，高級享受🥩企鵝丸（$59）企鵝丸個樣好可愛，小朋友食就實鐘意，佢係墨魚漿制成既，口感彈牙🐧筆管魷魚（$78）3隻新鮮魷魚，餐廳建議大火滾2分鐘就食得，魷魚幾新鮮同脆口🦑爽口牛黃喉（$58）黃喉主要係打邊爐先會見既食物，佢口感爽脆，唔係好多地方有得食，呢度有就要叫番碟😋鮮活豆苗（$58）呢個豆苗真係新鮮成個盆栽咁上，要自己剪佢地
餐廳坐位闊落，有一壺茶提供，枱上仲有圍裙比客人用，以免食麻辣鍋滴到件衫洗唔甩，呢個幾貼心既服務，抵讚👍🏻
自助餐醬料小食吧（$19/位）
餐廳有小量自助任食既小食，我最鐘意就係香辣魚皮，另外仲有辣菇，炸香芋波波，同埋生果可以攞🍉🍋🟩
酸菜白肉湯底（鴛鴦$138）（單鍋$198）
台式麻辣鍋（鴛鴦$138）（單鍋$198）
鍋底可以自己選擇要鴛鴦定係單鍋，我地驚台式麻辣鍋太油就叫多個酸菜白肉鍋，兩個鍋底都有好多餸食，值得一提既係台式麻辣鍋既鴨血豆腐係無限添加，必點推薦‼️
日本和牛三角胸小排（$388）
生日慶祝梗係要食d靚牛啦，呢個係A4級數既和牛，入口即溶，高級享受🥩
企鵝丸（$59）
企鵝丸個樣好可愛，小朋友食就實鐘意，佢係墨魚漿制成既，口感彈牙🐧
筆管魷魚（$78）
3隻新鮮魷魚，餐廳建議大火滾2分鐘就食得，魷魚幾新鮮同脆口🦑
爽口牛黃喉（$58）
黃喉主要係打邊爐先會見既食物，佢口感爽脆，唔係好多地方有得食，呢度有就要叫番碟😋
鮮活豆苗（$58）
呢個豆苗真係新鮮成個盆栽咁上，要自己剪佢地落黎，係我食過咁多菜之中最有趣既，又係呢間餐廳先有既特色🥬
肉肉蛋糕（$198）
朋友生日梗係要有蛋糕同佢慶祝，我地嗌左個牛肉整成既蛋糕，牛肉係美國肥牛，仲有兩個福袋，裡面係魷魚，賣相都幾似蛋糕，用黎影相都好靚📷
大紅袍珍珠奶茶（$33）
台式火鍋店點少得台式飲品，珍珠奶茶有熱同凍揀，門口仲有得外賣手搖飲品🧋
水蜜桃綠茶QQ（$32）
水蜜桃綠茶夠曬解喝，食辣嗌番杯就最岩，好fresh既果香味🍑
食完曬所有食物會有甜品送，係豆腐布甸同菠蘿沙冰，最後仲會每位客人有一盒外帶鴨血豆腐🥰
依家餐廳做緊5週年優惠，湯底，和牛，食物都有優惠價，我列出既都係正價，優惠完之後勁抵食，趁佢未完優惠帶老婆黎再食番餐先得🤩
張貼
