韓閣 (已結業)

呢一日同朋友去到呢間餐廳慶祝生日 ，餐廳裝修好有韓國風味，影相打卡都幾靚。Menu上面嘅嘢食都好多選擇，啱晒唔同人口味。韓式米酒辣雞煲佢嘅咪就係會另外分開一碟，到差唔多時候職員就會將啲米酒放落雞煲裏邊。 佢嘅辣到度啱啱好 ，入邊嘅雞都好滑，入邊仲有好多配料年糕等等，值得推介。韓式便當盒 （牛肉） 佢用咗傳統韓式便當金屬盒，好可愛。佢嘅份量都幾多，除咗牛肉外，仲有芽菜，青瓜，煎蛋等等配料。烤芝士甜辣炸雞佢嘅炸雞比較大舊，外面炸得幾脆，而裏面都保留到肉汁，整體嚟講就不過不失。紅丹心（草莓蕃石榴特飲）呢杯特飲唔算太甜喎，都清新。3.6牛乳400次咖啡咖啡奶味都幾濃郁，反而呢杯會比特飲甜，但係加埋咖啡就平衡返幾好。黎呢度生日好正，佢會送甜品同埋一杯勁大嘅特飲，同埋會幫你影一張即影即有，好好玩🤣。不過留意番要預先同餐廳book定呀。