明星海鮮酒家

營業中

休息中

舊同學由外地返港聚會，相約於西邊街明星酒樓，唔知係咪長假期關係，晚飯時間都唔算多人。人多食圍餐唔駛煩又實際，仲係全包埋宴，幾多錢一眼睇晒。乳豬，大家都覺得唔似全體，香脆可口，味道OK嘅天婦羅蝦炸得香脆不過蝦就無咩鮮味嘞。甜豆炒花姿片雖然菜單係寫鳳片，但係就唔見有雞肉，反而有螺片喎。味道唔錯幾好食係有啲油咁囉。金菇瑤柱燴小棠菜/娃娃菜清清哋，夠味又唔油見到幾條鮑參幼絲嘅，千零蚊全包宴算係咁龍躉頭腩滑溜鮮味枝竹雲耳吸收咗精華好好味。西蘭花炒龍躉球顏色幾靚，夠鑊氣，上枱時陣陣香氣飄來，魚肉彈牙有魚鮮味燒雞皮脆肉嫩又唔太咸荷葉飯好香，自己無食到。桃包是一般，好處是不過甜。最後有一碟西瓜都好甜。整體都幾好唔錯，幾抵食。