漢城美食

營業中

休息中

最近都係呢條街度搵食，呢條街有咁多韓國餐廳，今晚揀咗呢間2001年開到而家，成20幾年應該係成條街開得最耐嗰間。入到嚟見到佢個環境都幾大，環境都幾整潔地方有幾闊落，啱晒啲人一大班人或者家庭聚會。我哋叫咗個醬油蟹飯撈飯，佢個飯加咗紫菜同埋味素，望落就已經覺得好吸引。我係第一次食醬油蟹，見到個賣相咁靚已經急不及待想試啦。最重要係蟹膏滿滿，爆晒汁咁，啲肉又夠晒鮮甜，撈飯真係一流。另外叫左個辣牛肉大醬湯，呢個湯真係好好味，一個唔覺意食晒碗飯。而佢啲料都好多，特別在佢加左啲韓國冬粉，吸晒味，煙煙韌韌，勁好食。最後叫左支韓式米酒，輕鬆摸下酒杯底，完結滿足嘅一餐。