老四火鍋小廚

營業中

休息中

通常都係小萍帶我哋幾個團員去食好西，今次都唔例外。先嚟個麻辣墨魚頭，麻辣夠辣但唔麻，不過味道都好好，墨魚頭勁有口感。酥炸沙薑雞，咁特別？通常只會雞醮沙薑，佢依家融為一體炸到香脆，味道又啱啱好，同啤酒絕配。西蘭花炒墨魚滑，鮮味又彈牙～like。蜜椒大腸，味道甜甜蜜蜜，大腸外皮炸至脆卜卜，黑椒香氣又惹味，推薦。炒米粉用幼身嘅新竹米粉嚟炒，炒到好乾身，一啲都唔油膩，用料十足，有蝦干、魚干同魷魚，鹹香又鮮味，無鑊氣味，有時我都唔鍾意重鑊氣，會搶咗菜式本身嘅味道，而且無乜益。P.S. 要有耐性等上菜，因為食店只兩位老闆兼廚師、同埋老闆娘三人，應付不下，我哋邊飲住酒邊傾偈等上菜。