影片
更多
2013-08-11
710 瀏覽
一直以來都覺得丼吉既吉列豬扒絕對稱得上全香港數一數二，同其他競爭對手好似「銀座梅林」、「勝博殿」、「豚組」等等之流比較一定能夠贏足幾條街！服務比佢地優勝同埋細心不特止，「無限任添」既珍珠飯同埋椰菜絲更加突顯出佢地既generousity！是日七點鐘左右就已經到達，但全場幾乎爆滿，好好彩地坐到最後幾個位。由於一心想黎食炸豬扒，所以諗都冇諗就叫左個$338二人餐，貪佢有齊我最想食既豬柳同埋豬扒，重要俾分開叫（豬柳餐+豬扒餐）平D添！餐廳非常有效率，擺低磨芝麻用既mortar都唔夠十五分鐘，食物就已經上枱喇！侍應非常細心，上枱時將所有食物整齊擺好，唔係求其將所有野放上去就算。湯、珍珠飯、前菜黃瓜甚至用黎放豬扒既小碟好一絲不苟咁擺喺枱上面，用心既程度絕對值得抵讚！主菜豬扒同豬柳既水準同平時一樣，無因為係晚飯時間就求求其其整俾客食。兩者既皮都能夠做到鬆脆而唔油膩，而豬肉更加係口感十足！豬扒由於相對較薄，所以入口相對油少少，不過亦都因為佢較薄既關係，相對大D既surface area可以更加食得出豬肉本身爽口既質感同埋濃烈既肉味。相對黎講，豬柳由於切得較厚同埋的式少少，相對需要嘴嚼既時間亦都較耐，
餐廳非常有效率，擺低磨芝麻用既mortar都唔夠十五分鐘，食物就已經上枱喇！侍應非常細心，上枱時將所有食物整齊擺好，唔係求其將所有野放上去就算。湯、珍珠飯、前菜黃瓜甚至用黎放豬扒既小碟好一絲不苟咁擺喺枱上面，用心既程度絕對值得抵讚！
主菜豬扒同豬柳既水準同平時一樣，無因為係晚飯時間就求求其其整俾客食。兩者既皮都能夠做到鬆脆而唔油膩，而豬肉更加係口感十足！豬扒由於相對較薄，所以入口相對油少少，不過亦都因為佢較薄既關係，相對大D既surface area可以更加食得出豬肉本身爽口既質感同埋濃烈既肉味。相對黎講，豬柳由於切得較厚同埋的式少少，相對需要嘴嚼既時間亦都較耐，但咁樣反而可以更加細味肉既鮮味。由於cross-section比較大，dip埋調味料之後令到本身既肉汁更出，個人黎講會比較鍾意後者多D！
椰菜絲同埋珍珠米方面，都係D基本大路野，冇乜特別，不過都非常appreciate佢地冇求其用D平價食材「賺盡」。而佢地亦都經常喺加茶、又或者經過既時候問我地需唔需要refill飯同埋椰菜。食晒所有野之後，佢地重有飯後西瓜食而唔係想我地食完ASAP走人添！咁既服務態度喺今時今日既香港真係碩果僅存！
Overall既硬件絕對係中上之選，但要更加「讚」既係佢D軟件，特別係喺服務同埋一D微細位都交足功課，我諗佢地喺training方面真係落左唔少功夫！睇黎佢地「吉列豬扒」呢個寶座短期內都好難俾人攞到喇！
張貼
