吉列牛忌廉烏冬專門店 (百樂中心) (已結業)

之前食過旺角分店就已經念念不忘，今日嚟咗銅鑼灣，再食呢間吉列牛忌廉烏冬專門店🤩餐廳雖然坐滿晒人，但地方尚算闊落，坐得都舒服🤟🏻我同我friend叫咗個吉列牛定食，非常之豐富，首先吉列牛非常之嫩滑，喺高溫嘅石板之上敲到滋滋聲，非常吸引，而且一個定食仲包一個麵豉湯同埋沙律，份量恰到好處😆另外仲叫咗個蕃茄黑豚肉涮涮鍋，蕃茄湯酸酸甜甜，非常之開胃，而且黑豚肉嘅份量非常之多，配搭埋啲蔬菜，索晒湯底，極級好味，另外我哋仲加咗烏冬，香軟滑身，吸晒啲湯底精華唔錯😋另外仲叫咗個牛油蜜糖單骨雞翼，值得一讚係一上枱就非常之熱辣辣，好好食，而且炸得非常之有質素，外皮酥脆得來但係內裏嘅肉質保持得好嫩滑，夠晒Juicy🤩