影片
更多
2019-09-25
621 瀏覽
又比我發掘到多一間日式吉列豬排專門店「Tonkichi丼吉」，聽講呢間餐廳係最早引入正宗既吉列豬扒既始祖。今次我就去左佢地尖沙咀The One分店，企係門口已經感覺到日本風室既格局。簡約而實用既屏風，擺滿木系和式座設。最大既吸引之處係樓底相當高，大大增加左整個空間感，卡位非常闊落，坐得特別舒服，完全無壓迫感。👇📌滑蛋吉列豬扒定食 - $208👉吉列豬扒作為招牌菜就一定係必點咖啦！首先係野食黎之前，Staff會提供每人一隻小碗，裡面裝左好多白芝麻，Staff會好細心解說每一個Step應該點做。原來白芝麻係比你用木棒慢慢磨香，芝麻味道就會慢慢散發出黎，然後再按自己喜好倒返旁邊既炸豬扒汁。我覺得個味道幾特別，酸酸甜甜同豬扒幾夾。而輪到主角方面，豬扒非常厚身，脂肪比例比較偏瘦少少，咬落肉質比較結實，肉味相當濃郁。滑蛋都做得好好，非常滑嫩。📌吉列豬柳定食 - $218👉輪到另一款主角出埸，佢係屬於豬柳部位，同豬扒既分別係肉質比較上嫩滑腍身，再點返白芝麻同醬汁會更加有層次感。兩款定食都有麵豉湯跟上，個湯絕對唔係hea你，裡面仲有幾粒蜆肉，幾有誠意。白飯亦都係用左日本珍珠米，特別軟熟。最後食完哂St
「Tonkichi丼吉」，聽講呢間餐廳係最早引入
正宗既吉列豬扒既始祖。今次我就去左佢地
尖沙咀The One分店，企係門口已經感覺到
日本風室既格局。簡約而實用既屏風，擺滿
木系和式座設。最大既吸引之處係樓底相當高，
大大增加左整個空間感，卡位非常闊落，
坐得特別舒服，完全無壓迫感。👇
📌滑蛋吉列豬扒定食 - $208
👉吉列豬扒作為招牌菜就一定係必點咖啦！
首先係野食黎之前，Staff會提供每人一隻小碗，
裡面裝左好多白芝麻，Staff會好細心解說每一個
Step應該點做。原來白芝麻係比你用木棒慢慢磨香，
芝麻味道就會慢慢散發出黎，然後再按自己喜好
倒返旁邊既炸豬扒汁。我覺得個味道幾特別，
酸酸甜甜同豬扒幾夾。而輪到主角方面，
豬扒非常厚身，脂肪比例比較偏瘦少少，
咬落肉質比較結實，肉味相當濃郁。
滑蛋都做得好好，非常滑嫩。
📌吉列豬柳定食 - $218
👉輪到另一款主角出埸，佢係屬於豬柳部位，
同豬扒既分別係肉質比較上嫩滑腍身，再點返
白芝麻同醬汁會更加有層次感。兩款定食都有
麵豉湯跟上，個湯絕對唔係hea你，裡面仲有
幾粒蜆肉，幾有誠意。白飯亦都係用左日本珍珠米，
特別軟熟。最後食完哂Staff會提供埋飯後果，
今日食既係好鮮甜既西瓜，食完熱氣野整返幾粒
西瓜即刻中和返哂，呢個微細位我好欣賞！
📌迷你刺身組合(B) - $108
▪ 三文魚
▪ 八爪魚
▪ 油甘魚
▪ 吞拿魚
▪ 甜蝦
📌三文魚刺身(單點) - $98
👉先黎左個刺身拼盤先，當中包括五款刺身，
每樣幾新鮮，水準合格既。同朋友厭唔夠喉，
額外加多份三文魚一共5塊，價錢合理。
最後埋單都每人HK$400左右，我覺得加埋環境，
性價比係非常高既！可以再Encore！
張貼
