影片
更多
2018-11-20
273 瀏覽
喺九龍城周圍都係泰國野、泰國野同泰國野嘅時候，下午茶喺呢頭都唔知食乜好，行行下見到呢間叫「大和堂」咁得意位處於騎樓下低嘅舖頭，好奇心驅使下去睇下發現原來係cafe黎嘅，咁岩哂，於是入去試下。雖然係平日下午，我地入左去之後慢慢開始出面見到要排隊啦。上網查下先知呢間cafe原來為左保育一間好耐歷史面臨後繼無人要執嘅中藥舖，所以改裝成cafe，將所有舊嘅擺設、百子櫃等都保留落黎，令顧客一入到去都能夠感受到以前中藥舖嘅氣息，成個概念都好有意思。因為舊樓嘅關係，佢嘅樓底係好高，即使麻雀雖小，但唔會有焗促嘅感覺，外面用上大量玻璃做門面令室內有充足嘅自然光，好舒服，所以岩哂我帶左部電腦可以喺呢度一邊食下午茶一邊做野。見到每張台都有插頭位同掛袋位，感覺好貼心。食物方面，呢度有一般cafe嘅burger、all day breakfast同意粉之類，當然仲有cafe必有嘅咖啡。我比較少飲coffee，怕苦，所以揀左mocha，太耐無飲mocha因為次次都中伏會飲到落得太多可可粉變左更苦嘅經驗，但呢到嘅iced mocha剛剛好，不是太甜又有朱古力味。朋友叫左杯latte，佢好欣賞呢度嘅咖啡味燶燶地岩佢口
上網查下先知呢間cafe原來為左保育一間好耐歷史面臨後繼無人要執嘅中藥舖，所以改裝成cafe，將所有舊嘅擺設、百子櫃等都保留落黎，令顧客一入到去都能夠感受到以前中藥舖嘅氣息，成個概念都好有意思。因為舊樓嘅關係，佢嘅樓底係好高，即使麻雀雖小，但唔會有焗促嘅感覺，外面用上大量玻璃做門面令室內有充足嘅自然光，好舒服，所以岩哂我帶左部電腦可以喺呢度一邊食下午茶一邊做野。見到每張台都有插頭位同掛袋位，感覺好貼心。
食物方面，呢度有一般cafe嘅burger、all day breakfast同意粉之類，當然仲有cafe必有嘅咖啡。我比較少飲coffee，怕苦，所以揀左mocha，太耐無飲mocha因為次次都中伏會飲到落得太多可可粉變左更苦嘅經驗，但呢到嘅iced mocha剛剛好，不是太甜又有朱古力味。朋友叫左杯latte，佢好欣賞呢度嘅咖啡味燶燶地岩佢口味，問老闆先知原來係Brazil and Ethiopia House Blend👍🏻
雞與雞蛋仔據聞係呢度嘅signature，於是叫黎試下。雞蛋仔好有蛋味，食落去好soft好似食緊蛋糕仔咁，而且好香蛋味。我好鐘意個雞嘅汁，係蜜糖汁，如果可以變成檸檬蜜糖會更好。雞雖然係炸，但唔會好乾👍🏻另外叫左個香辣虎蝦意粉，意粉出奇地整得好有咬感好正宗，好鐘意入面有咸咸地嘅炸薯仔（如果有埋炸蕃薯粒仲開心），成個意粉嘅味道甜甜地，唔太辣，好岩香港人口味。
如果喺九龍城食到厭哂唔知食乜好，呢度不失為一個打卡點，可以一邊坐喺度見證一個服務左街坊30年嘅百子櫃搖身變成左一個咖啡bar嘅背景，一邊睇住人沖咖啡，又一邊歎住咖啡，別有一番風味。新與舊嘅交替，就好似呢度嘅野食咁，中西合壁，地道與fusion。
Latte
26 瀏覽
0 讚好
0 留言
香辣虎蝦意粉
35 瀏覽
0 讚好
0 留言
雞與雞蛋仔
25 瀏覽
0 讚好
0 留言
張貼
