肥仔銘茶餐廳

營業中

休息中

趁星期六放假，專登去呢間新蒲崗區內有名小店試下出名的乾炒粒粒通粉，可惜已！售！罄！嗚嗚，食唔到最出名的食物，唯有轉食其他，最後選擇咗黑椒豬扒炒烏冬。由於好多人慕名而來，所以小店盡量都想招待到客人，座位嚟講雖然坐得不太舒適，但小店就係有「人情味濃」的吸引力，可以蓋過呢種不適。我點的黑椒豬扒炒烏冬終於上枱了，新炒起的烏冬好夠鑊氣，香氣撲鼻。烏冬雖然比一般的幼身，但港式黑椒汁向來刺激又「矚目」，故掛汁力依然強勁。豬扒大件夾抵食，抵讚！今次食唔到乾炒粒粒通粉，唯有下次再來碰運氣啦！