古早牛肉麵 (已結業)

超開心，好耐冇食蚵仔麵線，終於搵到間餐廳有呢道菜式啦，平時好多都係得牛肉麵，呢到仲要有綜合麵線，有我最中意食既滷水豬大腸，湯底麻油味香，似碗仔翅湯好好食，豬大腸好易咬，蚵仔仲有海水味添，都只係37蚊咋！凍盤皮蛋豆腐十分之滑溜溜，特製醬油鹹甜度適中，皮蛋入口即溶，最愛食佢裏面creamy既質感，麻辣豬耳爽身，麻辣勁度十足，朋友超喜歡自己食曬成碟，食台灣野點可以唔食手抓餅架，我地叫左個牛肉香葱味，其實芝士同肉鬆都好吸引，我地都選擇果難症左一陣，非常足料呀，原塊牛肉，餅底煎得十分香脆可口，加埋辣汁同雜菜，有啲似墨西哥卷餅不過手抓餅質感同味道較豐富，飲埋杯檸檬冬瓜茶，消暑解渴，正👍👍