小胖台灣便當 (偉華中心)

營業中

休息中

一個人Lunch 食咩好？今日簡簡單單去左食小胖台灣便當。餐牌主打地道台灣便當、手工湯麵、地道台灣小食、刈包、冷泡茶選擇，份量十足，價錢合理。士林鹽酥大雞腿+芙香蘋果茶份量十足，雞腿超大隻，大隻過隻手掌，餐廳已幫忙將雞腿切開，方便食用，雞腿粉漿而厚薄適中，炸得剛剛好，外層好香脆，雞肉嫩滑入味，仲保留到肉汁，除左雞腿，亦有不少配菜，有翠肉瓜、小唐菜、粉絲、粟米，煎雞蛋，非常豐富。虎咬雞刈包刈包鬆軟，夾著燒汁雞扒，配上荷包蛋、青瓜絲、洋蔥，清爽解膩。芙香蘋果茶蘋果味突出，濃郁果香帶有清新甜味，好似飲緊蘋果汁。