肉多多火鍋

「肉多多火鍋」係來自台灣嘅火鍋店，餐廳以木系裝橫為主，卡位座寬闊舒適，景觀開揚。佢哋嘅湯底好有特色，選擇都算多，而呢間店名符其實肉多多，佢哋嘅肉類上枱有種震撼感覺，超大大盤，特別適合鍾意食勁多肉嘅朋友！🍲爆炒蒜頭蛤蜊雞湯店員會即場喺你面前落醬爆炒出濃郁湯底，未食已經聞到好香啦！之後再加湯落鍋，煮滾後成個湯濃郁，開餐前飲返碗先！🥩手切日本A4和牛上枱時有乾冰飄出陣陣仙氣，A4和牛油花均勻，牛味香濃，入口即化！骰仔牛肉質嫩滑，非常美味🥩牛豚雙饗肉瀑布食肉獸見到一定好開心，份量超多，上面有頂級低脂牛+日本黑毛豚，係架上排列得好整齊，加上乾冰效果，感覺好震撼，食哂之後覺得好滿足🍽️自助區有醬料、前菜、糖水同雪糕。糖水有冬瓜茶、仙草、芋圓同愛玉，自行DIY!! 好好食，芋圓超Q彈，好愛！