241
6
1
等級4
267
0
2022-04-26 41 瀏覽
好耐無去台灣旅行啦,係北角搵到一間充滿台灣風味嘅小店裝修風格好特別好有心思,天花板有吊著啲天燈,播住嘅歌都係台灣歌手嘅歌,真係有種自身台灣嘅感覺細滷肉飯$25滷肉肥瘦適中,滷水入味,唔係死咸,最特別嘅係加埋台灣肉鬆,令到成碗飯更加香口更加有口感鹽酥雞飯$50坦白講呢個價錢得五小嚿雞份量有啲少,鹽酥味唔算突出,但都炸得香脆嘅,味道ok,飯上面仲有少少滷肉,撈埋啲滷肉食唔會好乾芝士肉鬆蛋餅$35肉鬆有啲少,芝士都落得唔多,食完有啲唔滿足,但味道都可以嘅鳳梨烏龍$22好重鳳梨味,而且唔係假嘅鳳梨味,唔算太甜,茶味都出嘅,天氣再熱啲解渴一流,呢杯野飲得好爽,遲啲行開呢頭口渴都會買外賣黎飲整體來講味道係唔差嘅,如果掛住台灣過嚟食嘢係開心嘅,但用價錢同份量來衡量,性價比就唔高啦鐵花村 (愛群商業中心) (北角)北角丹拿道18號愛群商業中心地下6號舖
更多
好耐無去台灣旅行啦,係北角搵到一間充滿台灣風味嘅小店

裝修風格好特別好有心思,天花板有吊著啲天燈,播住嘅歌都係台灣歌手嘅歌,真係有種自身台灣嘅感覺

細滷肉飯$25
滷肉肥瘦適中,滷水入味,唔係死咸,最特別嘅係加埋台灣肉鬆,令到成碗飯更加香口更加有口感

鹽酥雞飯$50
坦白講呢個價錢得五小嚿雞份量有啲少,鹽酥味唔算突出,但都炸得香脆嘅,味道ok,飯上面仲有少少滷肉,撈埋啲滷肉食唔會好乾

芝士肉鬆蛋餅$35
肉鬆有啲少,芝士都落得唔多,食完有啲唔滿足,但味道都可以嘅

鳳梨烏龍$22
好重鳳梨味,而且唔係假嘅鳳梨味,唔算太甜,茶味都出嘅,天氣再熱啲解渴一流,呢杯野飲得好爽,遲啲行開呢頭口渴都會買外賣黎飲

整體來講味道係唔差嘅,如果掛住台灣過嚟食嘢係開心嘅,但用價錢同份量來衡量,性價比就唔高啦

鐵花村 (愛群商業中心) (北角)
北角丹拿道18號愛群商業中心地下6號舖
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食