阿元來了 (已搬遷) 新店位置

前排去完台灣，幾乎日日都食魯肉飯，覺得此食物係又平又好味。就算返左香港，久唔久就想食此邪物（我想減肥），佢又上親都細細碗，搞到到喉唔到肺咁，永遠唔會厭。朋友喺西營盤返工，成日聽到佢話附近有間台灣野好出名，所以某日lunchtime時段約左佢去一戰。間鋪又係要行斜路上去，想攰死寶寶。。行到門口見到好多人等位，好彩叫朋友係門口等定位，即刻可以入了。滷水拼盤可以不叫，不覺滷水味出。鹽酥雞岩岩炸起，熱辣辣好脆，雞肉唔乾。調味又適中，很不錯。魯肉飯魯肉滷得入味，半肥瘦的食落油香重，珍珠米口感煙韌，撈埋一起食，是最佳配搭。但魯肉俾得太孤寒了，希望下次黎可以改善。芋圓我有個怪習慣，鐘意一啖咸一啖甜一啖凍一啖熱咁食，所以叫芋圓係為左配魯肉飯食 （朋友表示完全理解唔到）。唔知呢度有冇同好呢？一碗有紅豆、芋圓、珍珠同南北杏。冰冰的，夏天食好涼爽的。芋圓同珍珠QQ的，唔會太重粉。但黑糖糖水太甜，所以我食左d料就算。食完久唔久都會想再食，因為唔貴又滿足。