段純貞牛肉麵 (Tower 535) (已結業)

一路都想試段純貞牛肉麵，難得今日誤打誤撞入左黎。位於地庫嘅舖頭有點不起眼，舖呈長方形，長長窄窄，座位不算太多。叫左個午巿套餐：一個主食加一杯飲品。如果想食多啲，重有其他套餐選擇：一個主食加一個小食，或者一個主食加一個小食再加一杯飲品。可惜套餐入面沒有招牌紅燒鍵心牛肉麵，叫左個原味牛肉麵，唔知有咩分別🤔麵底就叫左手工麵，飲品叫左珍珠奶茶少甜。牛肉好林，又入味，好香紅燒汁味道，而且份量好多，有成4大塊。手工麵係大大片嘅，浸落湯度好索味，但有啲太大片了，下次可以試幼麵。珍珠奶茶就無乜特別，重有啲平凡添。