忠孝東路

營業中

休息中

暑假來到，又係想旅行的季節，去唔到台灣玩，唯有去食台灣野，食好西慰勞自己！於是揀左黎忠孝東路食午餐。香酥怪味雞配珍珠飯：呢個怪味雞唔單止唔怪，仲好好味。雞炸得超級酥脆又不失juicy, 所謂怪味只係佢甜甜酸酸的醬汁，同炸雞好夾，可以平衡返炸物的熱氣。雞份量好多，比出面雞飯的量多出一倍，而且配埋一大碗珍珠米，好夠飽。忠孝牛肉湯麵：梗係試左湯底先，好香有淡淡牛肉味，唔係味精湯。牛肉都蚊得好林，好易入口。麵質彈牙，好味道呀！寶島珍珠奶茶：唔記得叫少甜，所以味道偏甜少少，但都飲到香香的奶茶味，而且呢度珍珠係非常非常多，又好𡁻口，啱晒我，正呀！藍莓巨峰烏龍茶：呢個都係少少偏甜，不過巨峰味同烏龍茶味都好出，兩隻味幾balance到，好飲！食左咁多野都係150元埋單，真心抵食。