影片
更多
2022-05-25
611 瀏覽
身在香港既台灣朋友同我講過，佢覺得百芳係最有台灣味既便當，今日經過foodcourt，買兩份外賣番家試下。百芳除左飯盒便當，仲有湯麵拌麵小食。點左一份鹽酥雞便當，鹽酥雞係分開上，佢比平時一般台灣食店嘅雞又唔同，少咗炸粉嘅外皮，不過鹽酥嘅味道就更出。便當有粉絲粟米滷蛋椰菜，好飽足夠大份。紅燒牛丸牛筋麵，麵底分開上，湯底係香濃既，不過可能外賣返到屋企時間過咗一陣，覺得啲面好似硬左，可能滾翻熱個湯先放落去會好啲，但牛丸就超彈牙，食完想繼續再食。叫多左份地瓜球，呢個我又擺返落焗爐仔度焗熱咗幾分鐘，就咁食好似喺台灣夜市買到咁，好煙靭好脆口。隨餐仲附送阿薩姆紅茶或者係抹香綠茶或者係炭焙烏龍，叫咗後邊嗰兩個，同阿姐講少冰，唔知係咪因為咁，說動起上嚟嘅時候，好甜好甜😌
身在香港既台灣朋友同我講過，佢覺得百芳係最有台灣味既便當，今日經過foodcourt，買兩份外賣番家試下。
百芳除左飯盒便當，仲有湯麵拌麵小食。
點左一份鹽酥雞便當，鹽酥雞係分開上，佢比平時一般台灣食店嘅雞又唔同，少咗炸粉嘅外皮，不過鹽酥嘅味道就更出。便當有粉絲粟米滷蛋椰菜，好飽足夠大份。
紅燒牛丸牛筋麵，麵底分開上，湯底係香濃既，不過可能外賣返到屋企時間過咗一陣，覺得啲面好似硬左，可能滾翻熱個湯先放落去會好啲，但牛丸就超彈牙，食完想繼續再食。
叫多左份地瓜球，呢個我又擺返落焗爐仔度焗熱咗幾分鐘，就咁食好似喺台灣夜市買到咁，好煙靭好脆口。
隨餐仲附送阿薩姆紅茶或者係抹香綠茶或者係炭焙烏龍，叫咗後邊嗰兩個，同阿姐講少冰，唔知係咪因為咁，說動起上嚟嘅時候，好甜好甜😌
張貼
