段純貞牛肉麵 (Tower 535) (已結業)

一直都好想試呢間台灣過江龍段純貞，今日終於同朋友喺銅鑼灣試到。成個環境係非常舒服嘅，裝修都好有特色。🍜青花椒香手撕雞乾拌麵 （$78）一上枱就比兩隻溏心蛋吸引咗，賣相都唔錯，手撕雞嘅份量都幾多，上面有少少蔥同埋辣椒，亦都有好多花生碎，成個面撈埋都非常有口感。另外每個拌麵都有一份酸菜，酸酸地幾開胃。🍜蒜香手撕雞乾拌麵 （$78）整體都同青花椒香嘅一樣。🥟新鮮豚肉鍋貼 （$48）鍋貼上枱好似一朵花咁，個底部都脆扑扑，餡料味道經典。🧋香芋珍珠奶茶 （$32）芋香唔係單單化學味，都有濃郁嘅芋頭香。🧋珍珠奶茶 （$32）珍珠口感不錯。