8鍋臭臭鍋 (謝斐道) (已結業)

朋友話好懷念台灣嘅滷肉飯，由於疫情關係成年冇去過旅行，食唔到，我就話帶佢去食滷肉飯，佢問我去邊事我send咗個openrice link比佢，佢問我乜唔係食滷肉飯咩，我只係同佢講一句：信我啦。想食滷肉飯其實要加$7 ，火鍋未到，滷肉飯先到。唔好講笑呢度嘅滷肉飯真係好好食，用切碎嘅肉而唔係用絞碎嘅豬肉，口感完全唔一樣。 滷肉唔係好多，應該夠我哋食半碗飯，剩返嗰半碗白飯剛好就可以用嚟送火鍋。沙茶牛肉鍋入面最好食嘅係牛丸，同振興肉丸嗰粒好似，粒沙白有沙，係今日嘅敗筆。午市包嘢飲，晚市就要另外計，所以為起上嚟晚市會貴少少。百零蚊一餐嘅台式火鍋仲有滷肉飯食，當自己去咗台灣旅行啦，唉！