影片
更多
2017-11-08
736 瀏覽
要做文青，揀書店cafe就最岩啦。被d書重重包圍，唔使睇書都可以感受到陣陣書香，自覺做文青者大有人在。而想更上一層樓，做埋善長仁翁，咁就一定要黎呢到啦，一次過可以滿足晒兩個要求。呢間cafe新開唔夠一個月，開係突破書店入面，仲未好多人知道。所以而家去，真係可以慢慢嘆返杯咖啡，扮下文青呀。入面環境好舒服，柔和既燈光，木紋牆身，感覺好自然清新。地方雖不算大，但枱與枱之間有很大既空隙，空間感十足。可以自由選擇坐普通餐枱又話高腳枱，沒有限制。呢度係開放式廚房，可以睇到佢地沖咖啡同為客人準備食物。睇真d, 呢度d廚師同工作人員都好年輕呀。呢度亦都係採用自助形式，揀岩食物就去收銀比錢。餐具同個餐亦都係自己出去令。就係收銀隔離呢支柱吸引左我既眼光啦。唔講唔知，原來呢度有得買餐卷比需要既人呀。我都係第一次見到，即刻捉住個工作人員問下啦。佢好細心，好詳細講解左佢地呢間係非一般既cafe。佢地有個益下家主題計劃，主要幫助油尖區有需要既人，好似住重慶大廈同社區中心個d人。呢d人入到黎，揀選左柱上牌仔，拿張收據到收銀到，就可以免費換佢想要既野。可以係一杯咖啡或一個餐都得。而我地呢d有能力既人，可以買任何食品作
入面環境好舒服，柔和既燈光，木紋牆身，感覺好自然清新。地方雖不算大，但枱與枱之間有很大既空隙，空間感十足。可以自由選擇坐普通餐枱又話高腳枱，沒有限制。
呢度係開放式廚房，可以睇到佢地沖咖啡同為客人準備食物。睇真d, 呢度d廚師同工作人員都好年輕呀。
呢度亦都係採用自助形式，揀岩食物就去收銀比錢。餐具同個餐亦都係自己出去令。
就係收銀隔離呢支柱吸引左我既眼光啦。唔講唔知，原來呢度有得買餐卷比需要既人呀。我都係第一次見到，即刻捉住個工作人員問下啦。佢好細心，好詳細講解左佢地呢間係非一般既cafe。佢地有個益下家主題計劃，主要幫助油尖區有需要既人，好似住重慶大廈同社區中心個d人。呢d人入到黎，揀選左柱上牌仔，拿張收據到收銀到，就可以免費換佢想要既野。可以係一杯咖啡或一個餐都得。而我地呢d有能力既人，可以買任何食品作餐卷，數量不限。我見條住都有好多餐卷準備左，證明我地香港仲有好多好有心既人係到呀。
咁有意思既事，我地一齊黎益下家啦，我做左啦，你呢？
牛乳炒滑蛋配煙肉三文治。
多士入面有兩塊煙肉同厚厚既炒蛋。煙肉值得一讚既係唔會好油，但又唔乾身，煎得好脆，好香口。而蛋除左夠厚身外，仲好有層次，唔會碎濕濕咁，而且亦都真係好滑好美味。多士都好脆。係落order時，收銀哥哥仲好細心咁問要唔要烘底同走邊，有得走邊當然正啦。
第一次飲埃塞俄比亞出既咖啡。 Ethiopia Yirgacheffe Berri-Link, 本身係齋咖，加左半匙羹糖，味道變得酸酸甜甜，幾特別。個人都會飲咖啡，通常都係去個兩間連鎖咖啡店，不過都飲到覺得無乜新意，今次可以試下另類咖啡，仲要係跟餐唔使加錢，味道又不錯，真係有d驚喜，以後又多一個選擇啦
不過佢地d咖啡糖一舊舊，好似濕左d粉黏住咁，唔多好，會唔會影響左杯咖啡質素呀？希望可以改善下啦。
題外話：佢地除左做＜益下家＞餐卷計劃外，仲會培訓年青人，有義工會係到開班教年青人整咖啡，仲會比年青人係到實習，培育新人。
張貼
