Dee Dee Bakery (已結業)

今日係銅鑼灣經過呢間麵包舖，門口有個大大貓咪🐱圖案，多款麵包蛋糕都是以貓為主題好有特色，貓爪麵包鉗，貓吐司，貓形狀膠樽飲品等…除咗麵包外，仲有葡撻、咖啡、特色潛艇堡等，款式選擇都好多！🐱三色貓麵包賣相外型超可愛😍集合三種味道，原味、朱古力同抹茶，食落質感鬆脆～💜日式紫薯布蕾法式獨家首創💯外型賣相似紫薯形狀，法包內餡有大量的紫薯蓉，配搭香甜的布甸，焗起後再灑上砂糖燒成香脆焦糖面，口感外層香脆，內裡香甜軟滑。🍎焦糖肉桂蘋果卷酥中帶軟，淋上焦糖醬，同肉桂卷味道非常夾，口感極好，超好味～💚開心果/朱古力鬆餅鬆餅外皮酥脆、內層柔軟綿密，作為下午茶一流😋