富山麵家

營業中

休息中

富山麵家又有新主題啦😍今期係扮炸蝦嘅貓咪Mofusand🐈 實在係可愛到爆❤️餐廳所有紙杯、筷子套、拉麵碗、牆紙都係Mofusand貓咪。拉麵以及飲品同甜品，都係以貓咪造型出現實在太靚，唔捨得食🥺特製牛奶拉麵🍜牛奶拉麵湯底濃郁，配菜有豬軟骨、日式叉燒及貓貓造型嘅新鮮魚片，仲有一隻炸蝦。可愛又好味。😋特製咖喱撈麵🍜咖喱撈麵有少少微辣好開胃，醬汁香濃。蘿蔔以心心造型。秋葵切粒鋪面頭多咗少少綠色點綴。當然唔少得招牌炸蝦貓大大嘅貓頭造型喺面碗正中間。以麵包糠鋪墊作為炸蝦貓嘅帽。超可愛啊😻另外咖喱撈麵多咗一碟小食裏邊有炸蝦、半隻流心蛋、仲有炸雞塊。特製章魚燒🐙呢款章魚燒味道唔錯👍🏻用貓貓造型紙盒裝住🥰齋睇已經比滿分啦特製三色芭菲🍨士多啤梨切薄片，生果同雪糕五顏六色咁樣混合擺。望見已經好有食慾。特製白桃🍑烏龍奶茶烏龍茶加cream再加埋貓貓造型棉花糖特製士多啤梨🍓椰果梳打士多啤梨梳打中間有椰果粒。梳打口味清新。