圓貝 (中環大廈)

營業中

休息中

特登出中環搵食，經過見到呢間素食飲品店，就八卦問下可否用自攜杯，點知佢地okay喎，所以我就睇下有咩啱我生酮緊嘅人飲睇睇下發現原來佢地有用開羅漢果糖沖野飲，啱晒啦。最後我叫左杯黑芝麻抹茶飲，因為比較signature同埋可以試下佢哋d特別既珍珠。佢地話芝麻醬裡面得小小糖，另外佢地幫我成杯飲品走糖，珍珠我就諗住試少少，然後留半杯俾老公飲埋佢。離遠睇下佢沖野飲，好治愈。特登麻煩佢地比我影張相先倒落我個杯度。呢杯野飲落好強芝麻味，我就覺得抹茶味弱d，不過整體黎講係好飲，呢杯嘢用左堅果奶嚟沖，可能我飲開，所以都幾鍾意哩個味。珍珠係辣木珍珠，食落俾普通珍珠細少少同埋腍少少，不過都夾杯野，唔知辣木係咩，食落冇乜特別味。 下次會試下其他野飲。