影片
更多
2010-05-12
3822 瀏覽
為慶祝媽媽生日，爸爸一早喺日本人會book左間房重訂埋餸。環境衛生：有自己lift既私人會所。好寬敞，冷氣夠，光線柔和但充足。好乾淨衛生，行入去完全冇餐廳既油煙味。服務：入到房由收到第一條熱毛巾起已經感受到貴賓式既招待。要酒即加，食物分開上，不時換碟。飲唔同酒時重好有文化地幫我地換杯。味道： 平目魚刺身：平目魚薄切，配酸汁，食出魚既鮮甜味，口感亦唔錯。 牛肉刺身：牛肉生食冇左平時煮熟左既嗰口油，入口時頓覺健康左。配蒜蓉同秘汁，mmm... 爽呀。 拖羅壽司：拖羅有少少暗黑色，所以叫姐姐仔攞返比個師傅睇下係咪有問題。師傅話ok所以我地就放心食。可能我地啱啱喺日本返黎，所以硬係覺得唔係好夠新鮮。 海膽壽司：比拖羅好好多。海膽好鮮甜，所以encore。 油甘魚壽司：好過拖羅壽司，不過都好似覺得唔係好夠日本嗰d新鮮。 薄燒牛肉：唔會太油，個汁教得好好，好鍾意佢帶d甜味。個肉薄得黎唔會燒到過熟，三四成食落口最正。讚！ 燒hamachi neck：我唔食既，不過大家都話佢燒得好香脆。 炒雜菜：個人覺得油左少少，味道偏淡，ok 啦。 Tempura Mushroom：好香口，shitake mush
環境衛生：
有自己lift既私人會所。好寬敞，冷氣夠，光線柔和但充足。好乾淨衛生，行入去完全冇餐廳既油煙味。
服務：
入到房由收到第一條熱毛巾起已經感受到貴賓式既招待。要酒即加，食物分開上，不時換碟。飲唔同酒時重好有文化地幫我地換杯。
味道：
平目魚刺身：平目魚薄切，配酸汁，食出魚既鮮甜味，口感亦唔錯。
牛肉刺身：牛肉生食冇左平時煮熟左既嗰口油，入口時頓覺健康左。配蒜蓉同秘汁，mmm... 爽呀。
拖羅壽司：拖羅有少少暗黑色，所以叫姐姐仔攞返比個師傅睇下係咪有問題。師傅話ok所以我地就放心食。可能我地啱啱喺日本返黎，所以硬係覺得唔係好夠新鮮。
海膽壽司：比拖羅好好多。海膽好鮮甜，所以encore。
油甘魚壽司：好過拖羅壽司，不過都好似覺得唔係好夠日本嗰d新鮮。
薄燒牛肉：唔會太油，個汁教得好好，好鍾意佢帶d甜味。個肉薄得黎唔會燒到過熟，三四成食落口最正。讚！
燒hamachi neck：我唔食既，不過大家都話佢燒得好香脆。
炒雜菜：個人覺得油左少少，味道偏淡，ok 啦。
Tempura Mushroom：好香口，shitake mushroom本身都好甜。
天婦羅蝦：炸得夠乾身，唔會好油，蝦都好新鮮。
稻亭麵：媽媽生日，爸爸一早訂定一人一碗好細既長壽稻亭麵，點知寫餸嗰位姐姐安排左一人一碗大既稻亭麵。真係想問下有幾多個人可以食完咁多野再食一碗咁大既麵呢？？（我就係因為咁所以扣左服務一分。）
張貼
