漢和韓國料理

營業中

休息中

曾幾何時，韓式自助烤肉係香港最受歡迎嘅韓國餐廳類別。不過到後來韓風興起，好多唔同形式嘅韓國餐廳出現，韓式自助烤肉就變咗係懷舊餐廳。呢間餐廳烤肉嘅部份同好多年前都係冇乜分別，有唔同款式嘅豬牛雞，另外仲有啲海鮮同蔬菜，味道都好懷舊。不過熟食就多咗好多選擇。其中一樣最出名嘅就係豬腳薑，好多食客一坐低唔係去攞肉去燒，而係去裝幾碗豬腳薑。佢啲豬腳炆得夠腍豬皮又厚，唔會只係得舊骨，薑醋嘅調味亦唔錯，酸甜適中好惹味。值得一提，佢嘅午市自助餐時間特別長，由朝早11點食到下晝四點，可以慢慢坐慢慢食。