三川居酒屋 (已結業)

朋友生日想食日式野，所以就揀左居酒屋食過唔同既居酒屋但都想試下其他，所以就揀左呢間，呢間居酒屋位置係地庫，要行落一條樓梯落去，之後店員就帶我地坐係一條走廊盡頭既「卡位」。落完單之後，店員竟然落左個竹簾，淨係留左一條縫上菜用，然後就好似私人空間咁，走廊雖然唔算闊，但同隔離枱都算有d距離，加埋落左簾，就可以慢慢同朋友盡情傾計同食野啦😎豆腐愛好者既我地，冷盤揀左凍豆腐，個汁唔會太甜/太咸，都唔會蓋住豆腐本身既味道小食叫左牛油燒魷魚鬚，因為都比較少食到呢種煮法既魷魚鬚，雖然唔太食到牛油味，但就好香好好食，連洋蔥配菜都入味另外，由於壽星戒緊澱粉食物既關係，我地就冇叫到一個主食，但就叫左d串燒同埋一個鍋同埋一個肉去填飽個肚🤣揀左個雞肉丸鍋，成個鍋都係比較清淡為主，但就好岩我地食左幾款濃味野食之後，可以邊食雞肉丸同邊飲埋個湯呢～而肉就揀左鐵板燒牛肉肉眼，牛肉唔會太韌，比較重黑椒味，肉味都濃，仲有d洋蔥同蘆筍係底，吸曬牛肉d醬汁同味所以變得好好食。整體黎講，價錢唔貴，份量都多，仲有套餐可以叫都多野食包，下次有機會會再黎試多d野食。