六両三 (已結業)

週末嘅下午茶時段嚟試,唔使等. 叫咗一兩款湯麵，第一款是牛𦟌牛肋條，另一款是半筋半肉。兩款都值得推介。首先，湯底偏向藥膳味道，俾人一種溫暖的感覺。湯底的濃郁度適中，建議嗌濃啲嘅湯底(落單有得揀㗎!)。湯入面嘅牛𦟌肉味非常香濃、口感嫩滑。筋嘅份量都好足夠、我個人認為淋咗少少。麵條偏向幼細，有少少似烏冬。口感彈牙，好食。配料方面，用嘅葱似三星葱，切得幼細 ，亦有提供檸檬水解膩。美中不足係酸菜同牛骨髓辣牛油都要主動問店員拎, 大家一定要問, 會令碗麵錦上添花! 價錢偏貴但好大碗同用料不錯, 值得一試。