一鍋堂 (XX Arcade) (已結業)

而家晚市無堂食，如果想打邊爐真係會好唔方便😣好彩一鍋堂好細心，唔單只做外賣二人火鍋套餐🥘，仲貼心哋安排埋+$10支架同燃料🔥，咁就唔洗怕屋企無gas爐食唔到啦🤣今次揀咗$338溫馨二人火鍋餐，外賣自取仲有9折，套餐除咗有一般肉、丸、餃、麵之外，仲有海鮮同自家小食，同埋有我都好鍾意嘅自有製花茶😍雖然係外賣，但食材依然非常新鮮🦐，今次湯底揀咗泰Feel嘅冬蔭功湯底❤️同堂食嘅感覺分別不大！湯底固然出色，味道濃郁醒胃，新鮮海蝦同埋安格斯牛都非常出眾，肉質鮮嫩多汁😋！另外再特別推介我的最愛梅菜豬肉餃和麻辣豬肉餃，真係食過番尋味🥳。最尾歎埋個烏冬，啖啖食出冬陰功嘅酸辣精華，真係高度推薦！可以以咁經濟嘅價錢，舒舒服服喺屋企打邊爐，真係好爽呀🥰