甜甜屋

營業中

休息中

今晚在家食完晚飯，男朋友誠邀我去食甜品，其實我仲係好飽，但我愛甜品勝於一切，十一點幾都落街去食，但太古實在無咩甜品店，每次想食都會去西灣河或者筲箕灣，今晚決定去西灣河，仲要係試下朋友嘅推介---甜甜屋！我地叫左兩樣share藍莓芝士蛋糕我個人鐘意硬少少嘅芝士蛋糕，而呢件蛋糕絕對符合，真材實料，不過如果重少少芝士味就好啦！:-P心太軟我同男朋友都好鐘意食心太軟，所以平時係屋企都會自己整，但始終都比較懶，出去食方便啲！每次發掘新甜品店，總會先試心太軟！相對西灣河另一間甜品店，呢度嘅心太軟較便宜，但略嫌朱古力味唔夠重，淡左啲（男朋友都有同感）！PS 俾完錢，店員俾左張儲印花嘅卡我，滿50蚊一個，儲滿十個可以當20蚊用